Tadap...

kahin khudmei hi ulajh rahi hu mai
tumhe khoke fir tadap rahi hu mai
aas bandh ke tuut jati hai
mohobbat kii khushbu fir ruuth jaati hai
shayad tanhaa hi rehna tha mukaddar mera
bas reh jaata hai mere paas intzaar mera
jab bhi lagaa wo mera ho gaya
dil kuch aur aansu ro gaya
shayad meri justujuu mei hi kuch kami rahi
shayad isiliye meri aankho mei nami rahi
kuch aur bhi shayad hai is dil mei
aur hum hamesha tanha rahe mehfil mei
is khamoshi mei jhaanko jaanoge
kitni aawazei hai guunj rahi
kaise zindagi har pal mujhse hai aankhei moond rahi
bas khel gayi kismat fir mujhse
pyar ho gaya fir juda kar gayi mujhe tujhse

Dua...

sab kuch hai par, teri aankho mei ye udaasi kyu hai
hontho pe muskurahat hai par ye aankhei ruaasi kyu hai

bheed mei bhi tanhaa sa hai
tuu kahin wakt mei rukaa sa hai
kyuu dard le itna dil mei chal raha hai
kyu andar hi andar shamma sa jal raha hai

rab se dua karte hai teri khushi hamesha salaamat rahei..
tere pass sadaa wo mohobbat rahei..

har khushi paaye tuu hamesha khush rahei
tujhse duur hu bhalei par yehi mera dil kahei

Duuuuri...

Baadalo se keh do tumhe mere paas le aaye..
Us hawa se keh do tumhe bhi apne saath le aaye..

Bheegi bheegi si rut hai bas tumhari kamii hai
Shayad baadalo mei bhi bhari meri palko kii nami hai

Dil tujhe bhuulta hi nahi kaisa majbuur hai
Jo dil mei basaa hai wohi sabse duur hai....

Marghuuub-desired,beautiful

har shaam simmat jaati hai teri yaado mei,
ttuuutte hui shaakh se liptte suukhe patte ki tarah
Hum firte hai galiyo mei teri kashish liye,
lutte huye diwaano ki tarah
Ye deewangii hi hai jo mujhe mashahoor kar gayii
tere naam se mujhe jodd, marghoob kar gayiii

Yaad....

Apne man se puuchte ho

ye mujhe kyuu yaad karta hai

bhari mehfil mei bhi tuu kiska intzaar karta hai

Apni muskan ke peeche kitne dard chupaa liye tumne

Kahin mere aansu to nahi churaa liye tumne

mai teri muskaan khoj rahii huuu duur kahin

Tera gam bhi meri khamoshi mei chupaa hai kahin

Tumne keh diya maine bas teri ehmiyat ko jataya nahi

Fark itna hai ki Bhavanao ki hoti zuban nahi

Duur hoke bhi tuu mere paas hai yahin

awaaz deke gumm na jaana kahin

duniya badi sangdil hai ,safar lamba e dost

raaste mei kho na jaana kahin

awaaz doge to ruk jayenge

chahoge duuri, to chale jayenge

dil todna humei aata nahi

bhav bhi to pattharo mei baste nahi

Prayaas

Kshanbhangur jeevan mei , oh rahii,
tujhe bahut kuch paana hai
Dil mei aasha ke deep liye,
aage hi badte jaana hai

Lau roshnii kii bhalei bujh rahi
Andhera badta jaata hai
Par yaad rakh ghanghor andhere ke baad hii
Ujlaa savera aata hai

Kshann kshann tujhe apne dum par
Sapne sach karte jaana hai
Ye duniya teri rann bhuumi hai
Tujhe bas apna haath baddaana hai

Har baar utthe girke,
kuch aisa saahas laana hai
Bandish ki koi seema na rahe ,
kuch aisa kar dikh laana hai
Prayaaso ko mat rukne de ,
tujhe apna jalwaa dikhlaana hai
Har tthokar par tuu dhwaj fehraa,
tujhe aage hi badte jaana hai

Jag tujhe jab ttokegaa
Tujhe bas aage baddna hoga
Shatruu terii raah rokenge
Tujhe bas unse laddna hoga
Nidar hai tuu, amar hai tuu
Tuu aage badd na fal ki soch
Karm bhoomi ko rangta jaa..

Kshanbhangur jeevan mei tujhe,
apna padchinh chodei janaa hai
Har rann bhoomi ka, tu vijayii hai
tujhe bas aatm vishwaas laana hai
Kaale baadal ko chaantke ,
vishwast suraj ko laana hai
Har kaali ghataa ko cheerke
aage hi badte jaana hai

mujhse duur tum kaise reh paoge

dhuundoge mere nishaan par dhuund nahi paoge...

mujhe dhuundte ho kisii aur mei

mai miluungi nahi

tumne jo dard hai diya

mai kahuungi nahi

In zakhmo se bhi mohobbat thi mujhe

Jaa de dii humne teri khushiya tujhe...

Mujhse duur jaakar bhi tu khush kyuu nahi

maine to is baar bhi tujhe thukraya nahi

Teri parchaai huu mai par tumne ye jaana nahi

Jo pyar tumne tha kiya wo tumne bas maana nahi

Tuu bas atiit ki ek tasviir hai

Merii judaai ab terii takdeer hai...

Kisii aur mei mujhe dhuund ke maayuus ho gaye

zaraa socho tum humse kis kadar duur ho gaye

kyuu bharii mehfil mei bhi ab tanhaa ho tum

sab hai teri duniya mei fir tujhe kiska hai gam

kyuu hai ab bhi tuu udaas

kyuu terii aankhe hai namm

tujhe chahaa tha dil ki gehrayiyo se

ab dhuundega tu mujhe apni parchaiyo se

zindagii bas kisii ke liye ruktii nahi

sach hai,har kisii ko mohobbat miltii nahi

mujhe chahoge,bhuul nahi paoge

mai jaanti hu tum ek din fir laut aoge

ye bas sachchii hai mohobbat jo tumhe jaane hai diya

tumne bhalei is pyar ko ruswa hai kiya

mai muktii huu teri

tu mere bina adhuura hai

Chand bhi to birah ke baad hi hota puura hai

Chand ko bhi chakor ka ab intzaar rahega

tere dil mei bhi ye adhuura pyar rahega

tuu ek din fir merii hi raah aayega

Us din tuu apne man ka sukuun paayega..

tum bure nahi bas tumne ki ek bhuul hai

har kiye ka yahiin hai hisaab ye jeevan ka usuul hai

zindagi tujhe fir mere hi paas layegii

har aahat pe ab tujhe meri hi yaad aayegi

zakhm mere hai par ab dard tera hoga

Us din tuu sahi mayine mei mera hoga